Anxhela Martini surprizon: Topless po, nudo jo!

Përfundimisht, modelja shkodrane që jeton në Nju Jork nuk merret vesh… Edhe pse guxoi të dilte pa të brendshme në tapetin e kuq të çmimeve të modës CFDA, pak javë më parë, në një intervistë Angela është shprehur se nuk është nga ato modele që pozojnë nudo. E pyetur se a do të pranonte të pozonte nudo, shkodrania me linja të përsosura është përgjigjur thjesht “jo”. E megjithatë, në shumë prej fotove që ajo ka kryer për reklama të ndryshme, pjesa e sipërme e veshjeve mungon…, ndërkohë që në CFDA mungonte edhe pjesa e poshtme e veshjeve intime, gjë që bie në kontradiktë me pohimin e saj.

Pra, 25-vjeçarja Angela qenka me parimin “topless po, nudo jo”, edhe pse këtë e kemi paksa të vështirë ta besojmë, duke qenë se në Nju Jork doli sikurse e kishte bërë nëna me vullnetin e saj të lirë, për t’u argumentuar më pas me shprehjen: Nuk më shkonin të mbathurat me fustanin. Ndoshta do të kishte qenë më mirë të kishte realizuar ndonjë foto sesion nudo, natyrisht artistike, pasi mund të dukej shumë më bukur sesa me performancën që dhuroi gjatë parakalimit në tapetin e kuq. E përfolur për lidhjen “flash” me reperin e famshëm Kanye West e mandej për një shërbim fotografik shumë “hot” të kryer me këngëtarin Craig David, muajin që lamë pas Angela rezultonte modelja më e klikuar në internet, duke lënë pas emra të njohur të industrisë së modës. Kjo për shkak se të gjithë rendën të shihnin fotot e saj me fustanin ngjyrë lejla që i ekspozonte gjithçka. Ajo nga ana e saj le të vijojë të deklarojë se do pozojë ndonjëherë nudo!